5 أسماء أجنبية اللي really awkward بالنسبة للمغاربة

وحشومة بزاف 🙊


اليوم الرئيس الجزائري بوتفليقة عيّن رئيس وزراء جديد. السيد اللي تم اختيارو إسمو شوية يوحي لكلمة نابية ف الدارجة, الشي اللي خلى مستعملي الفيسبوك المغربي يحولوها ضحك وسط حيرة من باقي العرب, خصوصا ف الصفحات العربية, اللي ما فهموا والو.

هاد القضية كاينة ف جميع لغات العالم. كاين أسماء اللي sounds نابية ف لغات أجنبية, بحال مثلا Putin  اللي الفرنسويين كيكتبوها Poutine لسبب أظن كلنا عارفينو.

ف الدارجة المغربية, كاينين أسماء عربية بزاف, اللي عندها معنى مختلف تماما عندنا.

هذي لائحة بأهم خمسة أسماء اللي NSFW بالنسبة للمغاربة:

1. عبد المجيد تبون – رئيس الوزراء الجزائري الجديد

من المهمات الصعبة اللي غادي تواجه الاعلام المغربي مستقبلا هي محاولة نطق الاسم بطريقة غير مريبة. رغم أنه ماشي حرفيا, ولكن قريب بزاف و 100% غادي يخلي بعض الوجوه حمرا من شدة الخجل.

نصيحتنا هي تجنبوا تتفرجوا ف الاخبار هاد اليوماين مع الدار تفاديا للاحراج.

2. أكبر زب – سياسي باكستاني

هذي من الكلاسيكيات, رغم أنه ماكاينش دليل على صحة قصة رفضو من طرف السعودية بسبب الاسم, لكن السيد فعلا موجود وإسم أكبر منتشر ف باكستان, بينما زب إسم عائلي ديال عائلة كبيرة ف باكستان كلها سياسيين.

السيد زب خدم كديبلوماسي ف كندا لسنين. قبل ما يرجع لبلادو.

أكبر زب اليوم كبر ف السن, وبحال أي زب (زعما أفراد عائلتو), خرج للتقاعد.

3. الزامل – إسم عائلي سعودي-مصري

هو صراحة كتروا كيفما قالت لبنى أبيدار. كنقصد طبعا الناس اللي سميتهم الزامل, ماشي حاجة أخرى.

كاين 2 شيوخ مشهورين سميتهم الزامل, حمدي وعبد المحسن. اللول مصري (مات) والتاني سعودي.

هاد الشيوخ مشهورين وكيدوزوا ف قنوات فضائية كتتشد ف المغرب. الله يكون ف عون الاسر اللي طاحت ف هاد الموقف.

بعيدا عن الشيوخ, كاين سياسي سعودي (ف التصويرة), وكاين شركة سعودية صناعية كبيرة سميتها الزامل للصناعة. ما عرفتش واش عندهم نوايا الاستثمار ف المغرب ولا لا, ولكن خاصهم يبدلوا الاسم ادا بغاو يستثمروا عندنا. بهاد الاسم غادي يعلنوا الافلاس من الشهر اللول.

4. محافظة قلوة

محافظة قلوة جات ف واحدة من أكثر المناطق حساسية صراحة.

لأنها جات ف الجنوب ديال السعودية وراكم عارفين الحرب مع اليمن. الامور شوية حسّاسة.

هذي منطقة كاينة ف جنوب غرب السعودية. منطقة صغيرة, ولحسن الحظ غير مهمة وما كتتدكرش ف الاخبار بزاف.

عندهم مهرجان سنوي سميتو ربيع قلوة, كون يعرفوا شنو معناه عندنا يلغيوه.

5. فريق الحوية – فريق هاوي سعودي

فريق حوية كاين ف محافظة قلوة, سبحان الله! (سريوسلي)

لحسن الحظ هاد الفريق هاوي كيلعب ف بطولة محلية صغيرة, وإلا كنا غادي نطيحو ف موقف محرج بزاف, في حالة ما رجع كأس العرب. تخيل معايا فريق الرجاء/الوداد ضد فريق حوية السعودي ف كازا وبتعليق الشراط اللي كيقول “واللاعب ابن محافظة قلوة يقذف في يد الحارس”!!

كاين شي أسماء أخرى ما دكرناهاش؟ خليها لنا ف تعليق.

كومنطي

تعليقات


شنو ردة فعلك؟
كيوت كيوت
5
كيوت
هاهاها هاهاها
17
هاهاها
جيم جيم
1
جيم
أو إم دجي أو إم دجي
2
أو إم دجي
واضفّاك؟ واضفّاك؟
4
واضفّاك؟
ديسلايك ديسلايك
3
ديسلايك
لايك لايك
7
لايك

5 أسماء أجنبية اللي really awkward بالنسبة للمغاربة

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in