7 تصرفات فيسبوكية خاصها تنقرض ف 2017 من الفيسبوك

الخطايا السبع ديال الفيسبوك!


7 تصرفات فيسبوكية خاصها تنقرض ف 2017 من الفيسبوك

2017 داز فيها النص تقريبا, الفيسبوك عمرو 13 عام دابا, وتطور بشكل كبير ف السنين الاخيرة.

رغم ذلك, مازال بعض التصرفات الفيسبوكية اللي كترجع بينا ل2007 و 2008 موجودة ف الفيسبوك المغربي بكثرة. تصرفات ما عندها حتا معنى ف عصر الـ Reactions والـ Stories.

هذي لائحة بسبعة من أهم هاد التصرفات, أو الخطايا الفيسبوكية,  اللي خاصها تنقرض هاد العام:

1. تلوح تصويرتك وتـ Tagـي أمة ديال عباد الله, اللي ما كايناش أصلا ف التصويرة

هاد الشي كان عادي ملي كان الطاك مازال جديد. اليوم ف 2017 ما عندها حتا معنى.

الطاك مديور باش الاخرين يعرفوا أسماء وكونطات الناس اللي ف التصويرة باش يأجوطيوهم ولا يزوروا بروفيلاتهم, ماشي باش تعمر بيه تصويرة فيها غير نتا بوحدك.

2. تدير لايك لراسك

لا, ما كيطلعش البوسط لصحابك. الفيسبوك ما دايرش “X has liked his own post” باش تبان لصحابك. جربناها وما صدقتش.

الـ Reach (عدد الناس اللي طلع لهم البوسط ديالك) ما كيتأثرش سواءا درتي لايك لراسك ولا لا.

ف الحقيقة فقط كتبينك شوية غريب.

3. “شكرا على قبول طلب الصداقة”

العفو, ولكن القبول ماشي شي حاجة خارقة اللي تستاهل تشكر عليه الاخر. هو راه داير الفيسبوك باش يقبل طلبات الصداقة ديال الاخرين.

4. الكتابة بالـ Hashtags

الهاشتاك الهدف منو هو تصنف المواضيع باش تقدر تلقاها بسهولة من بعد.

مثلا موضوع هضرتي فيه ف الرياضة, هاشتاكيه ب #رياضة, باش من بعد تكليكي على الهاشتاك ويخرج كاع المواضيع اللي هضرتي فيها (ولا الاخرين) على الرياضة.

الهاشتاك أول واحد شهرو هو تويتر, وكان هذا هو هدفو.

5. الكتابة بحروف فيها Diacritics, هكا: äüîęi

هاد القضية ما عندها حتى معنى ولا جمالية ف الدارجة. “الشكل” ف الحروف اللاتينية الهدف منو يفرق بين الاصوات, ماشي الزواق, And it’s so 2007.

6. تصاور الورد ف التعليقات

وغالبا كيكونوا low quality.

it’s just not cool anymore. جا الوقت هاد الظاهرة تنقرض.

7. Travaille à Facebook

مادام راك ما خدامش ظمن فريق الفيسبوك ف كاليفورنيا ولا أي فرع ديالو ف العالم, ما تقدرش تقول أنك خدام ف الفيسبوك. ما عندها حتا معنى 😡

كومنطي

تعليقات

شنو ردة فعلك؟
كيوت كيوت
4
كيوت
هاهاها هاهاها
11
هاهاها
جيم جيم
0
جيم
أو إم دجي أو إم دجي
2
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
7
لايك

7 تصرفات فيسبوكية خاصها تنقرض ف 2017 من الفيسبوك

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in