10 أسئلة باش تعرف واش راك دكي

بعيدا على دكاء المدرسة


10 أسئلة باش تعرف واش راك دكي

 

1. كتقدر تحل المشاكل الحياتية؟

الناس الادكياء كيتقنوا حل المشاكل الحياتية.

المشاكل والتحديات الحياتية مختلفة تماما على التحديات والمعادلات اللي كاينة ف الكتب المدرسية, واللي كاينة حلولها مسبقا ومختزلة ف معادلات رياضياتية.

ف العالم الحقيقي, حتا حالة ما كتتكرر 2 مرات.

حتا ملي كيكون المشكل نفسو, الاشخاص والظروف كتكون مختلفة. لذلك, خاصك تكون دكي باش تلقا حلول لمشاكل حياتية فريدة واللي دقتها معروفة فقط ف المستقبل.

2. كتختار الناس المناسبين للادوار المناسبة؟

ملي كيتعلق الامر بحل المشاكل, مستحيل إنسان واحد يعرف الحلول لجميع المشاكل اللي كتواجهو.

على أي, الانسان الدكي كيعرف مزيان شكون هو الانسان المناسب باش يحل المشكل. كيختار الانسان المناسب للدور المناسب باش يتحل المشكل بسرعة وبدقة.

3. ناجح ف تحقيق أحلامك؟

الناس العادين ديما كيضحكوا عليهم صحاب التنمية البشرية بجمل بحال “حتا حاجة ما مستحيلة”, تقدر تحقق أي حاجة ف حياتك”, ولا “كن ديما إيجابي ومتفائل”.

الناس الادكياء كيعرفوا راسهم بدقة, لدرجة كيعرفوا فين يقدروا يمشيو بعيد وفين لا.

كيجريو فقط مورا الاحلام اللي يقدروا يحققوها ونسبة النجاح فيها عالية منطقيا. لذلك, نجاحاتهم أكبر من إخفاقاتهم.

كيفاش ممكن نسميوك دكي ونتا فشلتي ف تحقيق آش باغي ف الحياة؟!

ولكن ما تفهمنيش غلط, الانسان الدكي ملي كيفشل ما كيستسلمش, بل كيتعلم من الخطأ ديالو وكيكمل ف طريق تحقيق حلمو.

4. راك مبدع؟

الدكاء مستحيل بلا إبداع. إنسان بلا إبداع بحال شي ماكينة مبروكرامية تطبق الاوامر اللي تبرمجت تطبقها, ولكن ما تقدر تدير والو من غيرها.

الانسان الدكي كيكون جد مبدع لدرجة انه عمرو ما كيعاود الخطأ 2 مرات.

طوماس إيديسون قال: “أنا ما فشلتش, أنا فقط لقيت 1000 طريقة ما غاديش تخدم.”

هنا عكس ما كتفهم الاغلبية, فكرتو هي أنه لقا 1000 طريقة مختلفة لعمل نفس الشي.

5. راك سعيد؟

ماشي سعيد؟ خوه؟ سعيد ما كاينش؟

Just kidding, ايلا ماراكش سعيد ف حياتك, راك غالبا ماشي دكي. لان الهدف الاول عندك ف الحياة كإنسان هو السعادة, وكإنسان دكي, خاصك تعرف شنو كيجعلك سعيد وكيفاش تحققو ليك وللاخرين.

ايلا راك محبط وما فاهمش راسك من رجلك ولا الاخرين, ف هاد الحالة, كيفاش تقدر تسمي راسك دكي؟

6. تقدر توظف المعرفة؟

الناس الاذكياء غالبا ما كيكونوش أكاديميين. نادرا فين تلقاهم قراو ف مدارس القمة ديال الاقتصاد, ما كيضيعوش وقتهم ف تعلم حوايج ما غاديش يستعملوها ف حياتهم.

عندهم القدرة على التعلم من أي واحد وأي حاجة. وعندهم القدرة عل استعمال معرفة من تخصص معين ف دومين آخر.

ماشي خبراء ف مجال ما, ولكن خبراء ف الحياة. كيشوفوا الوحدة ف التنوع, كيفما قال إنشتاين: “كاع الاديان, الفنون, والعلوم غصون من نفس الشجرة.”

ايلا كتقدر تستعمل معرفتك بالفن ف العلوم ومعرفتك بالنظريات العلمية ف الدين: راك دكي.

ايلا ما قادرش تلقا الرابط بينهم, ما يمكنش تقول على راسك دكي.

7. واش تقدر تتعامل مع ناس اذكى منك ؟

الاذكياء غالبا مكيكونوش هوما الاكثر ابهارا، حيت غالبا كيتكون عندهم ذاكرة ضعيفة، و قدرة تحليل بطيئة ( اينشتاين و نيوتون كانت معروفة عليهم كثرة النسيان).

على أي, عندهم معرفة المعرفة. عندهم الصورة الكبرى للعالم وعارفين كيفاش الامور على حدا كتاخد بلاصتها.

لذلك ملي كيتلاقاو انسان أدكى منهم, ما كيحسوش بالدونية, بل كيعترفوا بدكاؤو وكيستعملوا قوتو باش يحققوا هدفهم.

8. تقدر تتوقع سلوك الآخرين بطريقة صحيحة ؟

غالبا الاشخاص الاذكياء مكتكونش عندهم القدرة فقط على التنبأ بسلوكهم الخاص فوضعية معينة، بل كذلك سلوك الناس القراب ليهم و اللي فالمحيط ديالهم, اللي كيبنيوه على التفكير بطريقة واقعية.

غالبا كيكوم الظن ديالهم فمحلو.

بينما الاشخاص العاديين كيبنيو توقعاتهم على سلوكهم و سلوك الاخرين على المثالية ، الشيء اللي منقدروش نطبقوه على الناس كاملين.

 9. تقدر تتنبأ بالمستقبل بطريقة صحيحة؟

كلنا كنآمنو بللي المستقبل مجهول، و حتى واحد ميقدر يعرفو، و لكن الاذكياء منا كتكون عندهم رؤية مستقبلية.

هادشي جاي من معرفتهم الدقيقة بواقعهم و بواقع المحيط ديالهم، و بأدق التفاصيل.

هنا مكنقولوش بللي كيعرفوه 100%، و لكن واحد النسبة كتكون صحيحة، و كيكونو قراب من الهدف.

10. تقدر تتجنب المشاكل؟

غالبا الناس كيتعاملوا مع المشاكل حتى كتوقع، عاد كيحاولوا يحلوها.

و لكن ايلا كنتي فعلا ذكي، غادي تتجنبهم من الاول و ما غتسناش حتى تطيح فيهم، كيفما قال اينشتاين : “الاذكياء كيحلوا المشكل، العباقرة كيتفاداوه“.

لذلك ماتكونش فقط ذكي و كون عبقري، و بعد من المشاكل!

سو, كتظن راك دكي؟

إيلا كنحس باللي فيك كاع هاد الصفات, راك دكي بغض النظر على الـ IQ ديالك ولا مستواك التعليمي ولا حتا شحال كتشد.

إيلا كانت أجوبتك سلبية, راك ماشي دكي, وبغض النظر على نفس الشي.

المصدر: Indy100

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
2
جيم
أو إم دجي أو إم دجي
2
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
5
لايك

10 أسئلة باش تعرف واش راك دكي

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in