شنو هو الـ WannaCry#؟ 6 أسئلة وأجوبتها باش تفهم!

ما تخافش, هاد اللينك آمن 100%


Want create site? Find Free WordPress Themes and plugins.

العالم هاد اليومين مقلوب بسبب Ransomware أصاب عشرات الالاف ديال البيسيات ف 99 دولة حول العالم.

الـ malicious software سميتو WannaCry, إسم على مسمى, it can make you wanna cry. ممكن يصيب حاسوبك ويضيع لك بياناتك المهمة.

الـWannaCry أصاب شركات مهمة ومؤسسات كبيرة ف العالم, بحال Telefonica الاسبانية و Deutsche Bahn, أكبر شركة ديال التران ف ألمانيا.

بالاضافة لالف حاسوب ديال وزارة الداخلية الروسية, وحواسيب هيئة الخدمات الصحية البريطانية. الشي اللي عطل مصالح وبزنس الالاف حول العالم.

شنو هو Ransomware أصلا؟ آش كيدير كاع؟

 

الـ Ransomware هي كلمة إنجليزية حديثة مكونة من ransom (فدية) و ware  اللي كاينة ف SoftWARE.

هو سوفتوير خبيث (سمّيه فيروس) كيصيب البيسي ديالك ويدير تعديلات ف النظام (كيإنربتي البيانات) هدفها اجبارك على دفع فدية.

شنو كيدير الـ WannaCry؟

خريطة الدول اللي صابها الرانسموير

بما أنه رانسموير, فهو من “الفيروسات” اللي كتخليك ما تقدرش تدخل للبيسي ديالك حتا تخلص فدية.

بلغة أبسط: ايلا البيسي ديالك مصاب ب WannaCry, ملي غادي تحلو, وبدل ما تدخل عادي, غادي تخرج لك صفحة كتطلب منك تخلص فدية باش تقدر تدخل للبيرو وتخدم عادي.

واش البيسي ديال معرض للخطر؟

الوناكراي كيصيب فقط البيسيات اللي خدامة بنظام Windows. ايلا خدام بالماك ولا اي نسحة من لينكس البيسي ديالك غير معرض للخطر.

نظام التشغيل الاندرويد مبني على اللينكس, لذلك ما تخافش من الواناكراي (لكن ممكن يتم تطوير Ransomwares مخصصة للأندرويد, لذلك كن على بال).

وايلا ما بغيتش نخلص؟

الهاكرز كيعطيوك مهلة معينة باش تخلص, ادا ما خلصتيش خلالها, وبحال كاع المجرمين اللي كيطلبوا الفدية, البيانات اللي ف البيسي ديالك غادي يتمسحو.

الفدية ف الاول محددة ف 300 دولار, من بعد تلتيام كتتضوبل ل 600 دولار في حالة ما خلصتيش. من موراها جميع البيانات غادي تسمح  مما تقدرش تسترجعهم.

الخلاص مقبول فقط بالعملة الالكترونية, الـBitcoin, اللي سرية كليا وما يمكنش لك تتبع التحويلات المالية اللي تمت بيها.

شكون مول هاد الشي؟

مقر الـ NSA

الهاكرز ما معروفينش بالضبط, لكن ف أبريل اللي فات مجموعة ديال الهاكرز مسميين راسهم The Shadow Brokers نشروا “فيروس” كيقولوا باللي اكشتفوا ثغرة كانت طورتها الـ NSA, وكالة الامن القومي الامريكية, من أجل التجسس على الحواسيب.

الـ NSA ديجا متهمة بالتجسس وتجميع معلومات سرية حول العالم.

شنو الحل؟

1. الحل حسب مايكروسوفت هو:

2. ما تطيلشارجي والو من مصادر غير موثوقة وما تكليكي على حتا حاجة نتا ما متأكدش منها.

3. دير الميزاجور للانتي فيروس ديالك.

4. دير الميزاجور لنسخة الوندوز اللي راك خدام بيها.

5. دير الباك آب للبيانات ديالك المهمة.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
6
كيوت
هاهاها هاهاها
3
هاهاها
جيم جيم
3
جيم
أو إم دجي أو إم دجي
7
أو إم دجي
واضفّاك؟ واضفّاك؟
10
واضفّاك؟
ديسلايك ديسلايك
0
ديسلايك
لايك لايك
4
لايك

شنو هو الـ WannaCry#؟ 6 أسئلة وأجوبتها باش تفهم!

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in