شخص يدعي النبوة ف المغرب عن طريق الفيسبوك والـ FBI تبحث عنه

وصحابو كيقولو عندو انفصام ف الشخصية


Want create site? Find Free WordPress Themes and plugins.

شخص يدعي النبوة ف المغرب عن طريق الـLive بالفيسبوك.

نهار 4 أبريل ظهر للعلن  ف الفيسبوك المغربي شخص خمسيني يدعي أنه نبي من عند الله جا باش ينشر السلام.

الشخص المسمى سعد شريف الشوافني, من مواليد 1967, ادعى ف بوسط فيسبوكي أنه مات نهار 4 أبريل وعاود تولد موراها بتانية كرسول من عند الله اسمو أبو آدم.

مستعملي الفيسبوك المغاربة اختلفت ردات فعلهم. كاين اللي سبوا وكاين اللي خر منو. لكن بعض التعليقات اللي كتدعي أنها لناس صحابو قالت أن السيد كيعاني من انفصام حاد ف الشخصية. الشي اللي كيخليه يقول أشياء غريبة.

سعد الشوافني حسب ما كاتب ف حسابو على الفيسبوك, ولد عائلة غنية ف الرباط. كبر وتربى مع العائلة الملكية, قبل ما يمشي يعيش ف نيو هامبشاير ف أمريكا.

على أي, بحث بسيط عن إسمو ف Google غادي يخرجنا لمقال ديال موقع boston.com كيرجع لاواخر 2004. اللي فيه معلومات مثيرة عن المدعو الشوافني.

المقال كيقول باللي سعد الشوافني، اللي كان عمرو داك الساعة 37 عام, مبحوث عليه من طرف الـFBI بتهمة استخدام مجموعة من الهاكرز باش يهجموا على تلات شركات منافسة ليه ف المجال اللي كان خدام فيه.

المستثمر المغربي-الامريكي حسب نفس المقال نتقل للعيش ف أمريكا ف سن المراهقة. تما عاش وخدا الجنسية ودار مشاريعو قبل ما يهرب مجددا للمغرب.

ف اللول دار شركة ديال الـDJs مختصة ف تنظيم الحفلات, قبل ما ينتقل للاستثمار ف مجال القنوات الفضائية اللي كان كيعرف طفرة داك الوقت ف الميريكان. من بعد غادي يكري هاكرز باش يهجموا على منافسيه ف المجال.

الشوافني قبل ما يهرب للمغرب عاش حياة البذخ والرفاهية ف أمريكا. واحد من جيرانو كيقول أنه بنا سينما ف لاكاب ديال دارو تتسع لمئات المشاهدين. بالاضافة لانه كانت كيملك سيارات فاخرة.

النبي الخمسيني حاليا كيعيش ف الدار البيضاء, اللي منها كيدير لايفاتو من شقتو الفاخرة مع اللي كيسميهم الصحابة ديالو.

سعد الشوافني على حسابو الفيسبوكي عندو رابط لموقع مغربي متخصص ف بيع قطع غيار الدراجات النارية من الحجم الكبير.

هل هاد النبوة مجرد publicity stunt أمر كيبقا ممكن رغم أنه بعيد.

لحدود كتابة هاد الاسطر مازال ما كاين حتا تفسير “رسمي” من طرف أحد أفراد عائلتو ولا الناس اللي كيعرفوه بشكل شخصي.

آخر Live داروا سعد حقق ما يقارب 2000 مشاهد ومئات البارطاج, وأكثر من الف لايك ونص.

اللايف الاخير جاب فيه مجموعة من الشباب كيدعي أنه الصحابة ديالو, كيهضر معاهم كأنه رسول وهوما الاتباع ديالو.

الشوافني قبل ما ينزل عليه الوحي
الشوافني قبل ما ينزل عليه الوحي
الشوافني قبل ما ينزل عليه الوحي
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
85
كيوت
هاهاها هاهاها
43
هاهاها
جيم جيم
25
جيم
أو إم دجي أو إم دجي
66
أو إم دجي
واضفّاك؟ واضفّاك؟
21
واضفّاك؟
ديسلايك ديسلايك
14
ديسلايك
لايك لايك
55
لايك

شخص يدعي النبوة ف المغرب عن طريق الفيسبوك والـ FBI تبحث عنه

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in