10 معلومات غريبة عن كوريا الشمالية

الحشيش قانوني, والعام فقط 106.


Want create site? Find Free WordPress Themes and plugins.

كوريا الشمالية من أغرب الدول على الاطلاق. دولة منعزلة تماما على العالم الخارجي من نهار انفصلت على كوريا الجنوبية 1948.

البلاد كلها ما عندهاش الانترنت حرفيا –باستثناء الطبقة الحاكمة–. ما كتسمحش لمواطنيها بالخروج, وما كتسمحش حتا للاجانب بزيارتها من غير سبب رسمي.

هذي 10 معلومات عجيبة على هاد البلاد اللي مازال عايشة حرفيا ف القرن 19.

1. الكوريين الشماليين من بعد الحرب أقصر من الكوريين الجنوبيين ف المعدل ب 5 سنتيمتر.

سوء التغذية مشكل كبير ف كوريا الشمالية. أغلب الشعب عايش على الروز فقط.

ف الخمسينات كان الكوري الشمالي أقصر ف المعدل من جارو الجنوبي ب 5 سنتيمتر. والفرق غادي وكيكبر.

2. كوريا الشمالية ما كتعتارفش بتوقيت كرينتش. عندها توقيتها الخاص!

 ف 2015 بيونك يانك كريات توقيتها الخاص عكس باقي دول العالم اللي خدامة بالـ UTC.

التوقيت تسما توقيت Pyongyang. متأخر بتلاتين دقيقة على توقيت جيرانهم الاعداء كوريا الجنوبية واليابان.

3. وما كتعترفش حتا بالتقويم الميلادي.

ف الواقع كوريا الشمالية ما كتعترفش حتا بالتقويم الكوري التقليدي اللي كان قبل الانفصال.

كوريا الشمالية دارت تقويم خاص كيبدا من ميلاد جد Kim Jong Un عام 1912.

اليوم كوريا الشمالية ف عام 106.

4. جميع الرجال خاصهم يديروا نفس قصة شعر Kim Jong Un

مصادر من بيونك يانك قالت لوسائل إعلام كورية جنوبية أن السلطات ف كوريا الشمالية أصدرت قرار كيفرض على الرجال يخليو شعرهم أقصر من 2 سنتيمتر. والنسا شعرهم ما يفوتش كتافهم.

نفس المصدر قال أن الرجال تنصحوا باش يقلدوا قصة شعر Kim Jong Un, اللي معروفة ف كريا الشمالية باسم “ambitious”.

النسا تنصحوا بتقليد قصة شعر مرتو.

5. باش تهرب من كوريا الشمالية خاصك على الاقل 8 الاف دولار.

Yeon-Mi Park هاربة من كوريا الشمالية.

ف 2015 تكلفة الهرب للصين من كوريا الشمالية –المغامرة اللي بزاف كيديروها– وصلت لأكثر من 8 الاف دولار أمريكي. أو أكثر من 8 مليون سنتيم مغربي.

هاد المبلغ أكبر بزاف من القدرة الشرائية ديال المواطن الكوري الشمالي.

6. كوريا الشمالية كتنظم انتخابات كل 5 سنين, بمرشح واحد  ف ورقة التصويت!

Jon Chol Jin—AP

كل خمس سنين الكوريين الشمالين مفروض عليهم يمشيو يصوتوا ف الانتخابات.

حسب الـTime وراق الانتخابات كيكون فيهم خيار واحد أوحد. وطبعا, المرشح كيجيب 100% ديال الاصوات!

7. المسلسلات والافلام الكورية الجنوبية من بين السلع اللي كيتم تهريبها.

Jang Se-yul, هرب من بعد ما تفرج ف مسلاسلات كورية جنوبية. دابا خدمتو هي يهرب المسلسلات لبلادو.
Credit Jean Chung for The New York Times

لأن اللغة نفسها, وكوريا الجنوبية عندها صناعة سينمائية وترفيهية رائدة ف المجال, الكوريين الشماليين اللي عايشين ف المناطق الحدودية كيتفرجوا فيها مهربة بالتخبية.

المسلسلات والافلام كيتم مشاهدتها ف DVD players محمولة مصنوعة ف الصين.

عقوبة مشاهدة المسلسلات الجنوب كورية تقدر توصل حتى للاعدام.

8. كوريا الشمالية عندها سياسة الاجيال التلاتة

ادا كنتي معارض للنظام أو تم الحكم عليك بتهمة مشابهة, كوريا الشمالية عندها سياسة صارمة ف هاد الامور.

تلاتة أجيال من عائلتك كيتم ارسالهم لمعسكرات الاحتجاز. المتهم وولادو ووالديه بدون استثناء.

الجيل اللي غيتولد ف المعسكر حتا هو غادي يموت فيه.

9. Kim Jong-il اختطف مخرج كوري جنوبي وفرض عليه يدير فيلم بروباغاندا

كيم يونك ايل بغا يدير صناعة سينمائية يوصل بيها أفكارو للعالم. لكن ما كانتش عندو الامكانيات البشرية.

الحل اللي لقا هو يختطف المخرج الكوري الجنوبي Shin Sang-ok هو ومرتو من هونك كونك, ويفرض عليه يديرلو أفلام كتجمد كوريا الشمالية.

المخرج ومرتو بقاو 9 سنين مختطفين ف كوريا الشمالية خدامين عن النظام, قبل ما يقدروا يهربوا عام 1989.

10. الحشيش قانوني ف كوريا الشمالية, ومصدر من مصادر العملة الصعبة!

حسب Sokeel Park مدير مركز الابحاث الاستراتيجية Liberty In North Korea, الحشيش كينبت طبيعيا ف كوريا الشمالية. الحكومة أحيانا كتبيعو لأطراف خارجية كوسيلة باش تجيب العملة الصعبة.

الحشيش ينصح به ف كوريا الشمالية كبديل طبيعي للتبغ.

 

 

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
4
هاهاها
جيم جيم
1
جيم
أو إم دجي أو إم دجي
2
أو إم دجي
واضفّاك؟ واضفّاك؟
5
واضفّاك؟
ديسلايك ديسلايك
2
ديسلايك
لايك لايك
6
لايك

10 معلومات غريبة عن كوريا الشمالية

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in