هاد الفنانة كتحوّل أي صورة بالابيض والاسود لصورة ملونة

شبه حقيقية!


Want create site? Find Free WordPress Themes and plugins.

فنانة برازيلية عمرها 21 عام كتحول أي صورة بالأبيض والاسود لصورة ملونة شه حقيقية.

Marina Amaral حبها للتاريخ خلاها أول مرة تجرب تلوين صورة لجنود أمريكيين خلال الحرب الاهلية.

الفنانة كتركز ف أعمالها على صور النزاعات القديمة, وكتعطيها الحياة من خلال تلوينها. لكن كذلك كتركز على الصورة التاريخية الايقونية.

“من ديما كنت مغرومة بالتاريخ ملي كنت طفلة” قالت مارينا ل Business Insider. أول مرة شافت صور تاريخية ملونة كانت ف منتدى ف الانترنت, و”حسيت برغبة قوية ف أنني نجرب.”

أمارال دارت دابا كاريير من هاد الشي.

أول محاولة كانت لجنود من الحرب الأهلية الأمريكية. النتيجة كانت “بشعة” حسب ما كتقول أمارال, ولكن كانت “جد فخورة” بها ملي كملاتها رغم ذلك. “أنا إنسانة فضولية ومبدعة.”

أمارال كتسعل فقط الفوطوشوب باش تلوّن تصاورها. كتلون كل التفاصيل الدقيقة يدويا.

الامر كيوصل لمئات الـ Layers ف الفوتوشوب باش “نوصل لداك الاطموسفير اللي كنبغي ف التصويرة.”

“البحث مهم”, كتقول مارينا. “عمري ما كنبدا الخدمة بلا ما نجمع أكبر عدد ديال المعلومات, حيت هذاك اش كيجعل الالوان دقيقة من الناحية التاريخية.”

التصويرة تقدر تاخد من 40 دقيقة حتا لأشهر باش تكمل. ” كل تصويرة عندها مستوى مختلف من التعقيد والتفاصيل. وهذاك اللي كيحدد شحال ديال الوقت غادي تاخد ف الخدمة.” كتقول.

أمارال كتميل أكثر لتصاور الصراعات. من بين أهم أعمالها تصاور جنود حروب مختلفة, من جنود بريطانيين حتا لخنادق الحرب العالمية الاولى.

الفنانة البرازيلية كتظن باللي هاد التصويرة هي أقوى تصويرة خدمت عليها. كتصور بنت بولونية عمرها 14 عام, سميتها Czeslawa Kwoka, تم إرسالها لأوشفيتز من طرف القوات النازية هي والام ديالها عام 1914.

البنت وماماها ماتوا من بعد تلت شهور.

أمارال كتقول: “يوميا كيجوني ميساجات من عند ناس اللي فهموا الهولوكوست فقط من بعد ما شافوا تصاوري بالالوان. وهذا هو هدفي كان من ديما. كنحس فخورة بهاد الشي!”

ولكن ماشي فقط الحروب والفواجع.

أمارال كتخدم كذلك على تصاور بعض أهم الوجوه ف تاريخ البشرية. بحال هاد التصويرة ديال جون ف. كندي وهو شاب عام 1957:

وهذي تصويرة القاتل ديالو ملونة:
قاتل الرئيس الأمريكي كندي، لي عارفي اوزوالد.

ماشي فقط السياسيين. أمارال لونت كذلك تصاور أهم الشخصيات ف مجال العلوم والفلسفة اللي كنا كنشوفوها غير بالكحل والابيض.

هذو تصاور فرويد, ألبرت إينشتاين, وألكسندر كراهام بيل.

 وطبعا ما نساتش طوماس إيديسون, الملقب بأعظم مخترع أمريكي!
طوماس إيديسون كيتأمل

أمارال ما بقاتش كتلون التصاور فقط كهواية.

الامر تحول لكاريير كتعيش منو. كتجيها اليوم طلبات التلوين من عند دور النشر, مجلات, قنوات تلفزية, وحتا متاحف.

“جاني فيديو ديال ردة فعل واحد المرا من بعد ما جاتها تصويرة والديها اللي لونتها,” كتقول الفنانة, “كانت هدية ديال الكريسماس من عند ولدها. السيدة كانت كتبكي من شدة الفرحة, وحتانا بكيت ملي شفت الفيديو!”

“إحساس خاص جدا ملي كنعرف أنني نقدر نعطي بهجة للناس من خلال أعمالي, خصوصا ملي كنخدم على تصاور العائلة, حيت عارفة قيمتها بالنسبة لهم.”

 

هذي مجموعة من أهم تصاور الفنانة.

جنود هنود من قوات التحالف مع طفل فرنسي ف مارسيليا عام 1914.

جنود فرنساويين عام 1870 خلال الحرب الفرنسية البروسية (Borussia)

نيويورك ما بين 1890 و 1910.

وهاد أمارال؟ كيف دايرة؟

هاهي مارينا أمارال, وها موقعها:

marinamaral.com
عجبك المقال؟ Supportـينا بالبارطاج ولا بلايك للصفحة ديالنا من هنا
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
1
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

هاد الفنانة كتحوّل أي صورة بالابيض والاسود لصورة ملونة

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in