5 أشياء المغاربة غالطين ف أسماءها

وجا الوقت باش نوليو نسميوها بأسمائها الحقيقية.


مواطنين مغاربة

ف لغتنا اليومية كمغاربة كاين مصطلحات وتعابير بزاف غير دقيقة. تعابير اللي كنستعملوها بلا تفكير فقط حيت كلشي كيستعملها.

هذي لائحة بأهم هاد التعابير اللي كنشوف باللي من الأحسن نستعملو أسمائهم الصحيحة.

الامر عادي طبعا. الاهم هو المقصود ماشي الكلمة ف حد داتها, لكن ما فيها باس نعرفو الإسم الصحيح, خصوصا وأنه بعض المرات الامر كيكون محرج بزاف.

“بغيت ندخل الويفي”

الويفي ما كيدخلش…وما كيخرجش.

الاسم المقصود هنا هو الـADSL ماشي الويفي. الويفي مجرد تقنية لمشاركة الانترنت لاسلكيا. تقنية بحال البلوثوت, كتمكنك من مشاركة البيانات بلا ما تضطر تستعمل كابل.

الأدسل هو التقنية اللي كتمنكنك من الاشتراك بالانترنت عن طريق الكابل, عكس الانترنت الـ3G.

الـ ADSL إختصار لـ Asymmetric digital subscriber line, أي خط اشتراك رقمي غير متماثل. والخط هنا نسبة لداك الكابل النحاسي.

تقدر تدخل الادسل وما تخدمش بالويفي كاع. أغلب الحواسب فيها بلاصة الكابل من الروتر.

“شارجور ديال Samsung”

Micro USB charger

سامسونك ما عندهاش شارجور ديالها.

Samsung كتستعمل الشارجور الصطوندار عند كاع السمارتفونات اللي خدامة بنظام التشغيل أندرويد.

هاد الشارجور خدام ب”تقنية” الـUSB. وتحديدا Micro USB. الكابل تقدر تستعملو حتا لنقل البيانات, ماشي فقط باش تشارجي.

أي شارجور مايكرو يو إس بي غادي يخدم لك لسمارتفونك (اللي خدام بأندرويد), ماشي ضروري يكون سامسونك.

“واحد دانون ديال جودة”

Adorable Little Girl Eating Yogurt

هذي من الكلاسيكيات. أغلب المغاربة ما بقاوش كيستعملوها, ولكن مازال موجودة.

الاسم الحقيقي ديالو هو ياغورت. والياغورت هو حليب رايب. الرايب البلدي حتا هو نوع من الياغورت, غير ما كملش قرايتو للاسف بحال دانون.

الكلمة أصلها تركي, ومعناها العجن أو تدليك الحاجة حتا تولي بحال العجينة وما تبقاش سائلة. وهاد الشي اللي كيوقع للرايب.

“زيد 2 آ مول الروج”

الروج كلمة حتا هي تستعمل بالزاف بشكل غالط. الاسم ديال المشروب هو النبيذ، أو الـvin  بالفرنسية. الروج هو فقط نوع من أنواع النبيذ اللي كاينة.

ولكون النبيذ الأحمر هو اللي مستعمل بكثرة ف المغرب تاريخيا. المغاربة خداو إسموا وبداو يطلقوها على جميع أنواع النبيذ بدون تمييز.

“أنسطالي موزيلا”

موزيلا للأسف community وما يمكنش تأنسطاليها.

اللي كتأنسطالي هو متصفح Firefox, واللي مجرد منتج من منتوجات موزيلا الكثيرة.

إدا عندك شي صاحبك كيستعمل هاد المصطلحات وحشمان تصححلو, بارطاجي المقال وخليه يفهم لراسو 😉

كومنطي

تعليقات

شنو ردة فعلك؟
كيوت كيوت
10
كيوت
هاهاها هاهاها
11
هاهاها
جيم جيم
12
جيم
أو إم دجي أو إم دجي
8
أو إم دجي
واضفّاك؟ واضفّاك؟
8
واضفّاك؟
ديسلايك ديسلايك
3
ديسلايك
لايك لايك
17
لايك

5 أشياء المغاربة غالطين ف أسماءها

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in