دراسة: المغاربة تحولوا للكتابة بالدارجة ف الفيسبوك.

دراسة جدبدة كتبين أن المغاربة من بعد ما كانوا كيكتبوا أونلاين الدارجة بحروف فرنسية، تحولوا اليوم للكتابة بحروف عربية، وهذا علاش ف رأينا.


التقرير الخاص بشبكات الإعلام الاجتماعي في منطقة شمال إفريقيا والشرق الاوسط، اللي كتصدرو كلية محمد بن راشد للإدارة الإلكترونية –التابعة للجامعة الامريكية بدبي– مؤخرا، كشف أن المغاربة ولاو كيستخدموا “اللغة العربية” ف فيسبوك أكثر من اللغة الفرنسية.

الملفت في التقرير هو أن اللغة العربية تغلبت على اللغة الفرنسية ف فيسبوك لأول مرة من نهار تأسيس الموقع.

استعمال المغاربة للغة العربية –حسب تعبير التقرير– في الكتابة والتعليق والتفاعل عبر فيسبوك ارتفع من 32 إلى 69%.

مقابل تراجع عدد مستعملي اللغة الفرنسية في تدويناتهم.

المدافعين على اللغة العربية والقوميين العرب فرحوا بالامر على أساس أنه انتصار للغة العربية الفصحى

المدافعين على اللغة العربية والقوميين العرب، من بينهم الجزيرة، فرحوا بالامر على أساس أنه انتصار للغة العربية الفصحى ف المغرب. واعتبروه انه دليل على تشبت المغاربة الايديولوجي بالعربية.

لكن ف الواقع الامر ما كيتعلق لا بعربية فصحى لا بلغة فرنسية لا بأي إيديولوجيا أخرى.

وإنما كيتعلق فقط بالحروف اللي كيكتبوا بيها المغاربة الدارجة، ولأسباب براكماتية كتتعلق ف الأغلب بالسلاسة.

البحث ما فرقش بين المحتوى المكتوب بعربية فصحى وبين المكتوب بدارجة محلية ولكن بالابجدية العربية، واعتبر كلشي مكتوب بحروف عربية فهمو عربية.

نفس الخطأ استعملوه ف اللغة الفرنسية. اعتبروا أي حاجة مكتوبة بحروف لاتينية فهي لغة فرنسية.

من خلال متابعتنا للانترنت خلال الخمس سنين الاخيرة، كيبان انه كاين تحول من كتابة الدارجة بحروف لاتينية، نتيجة لصعوبات تقنية، الى الكتابة بالحروف العربية عن المغاربة.

من بعد ما انتشترت السمارتفونات وولى أي واحد يقدر يزيد الكلافيي العربية ويكتب بيها.

لكن هاد التحول ما وقعش ف اتجاه العربية الفصحى، وإنما العكس.
لكن هاد التحول ما وقعش ف اتجاه العربية الفصحى، وإنما العكس.
الارقام ولو أن كل واحد كيفسرها كيف بغا. كتبقا إشارة مهمة للتحول اللغوي اللي كيعرفو الانترنت المغربي.
واللي ببحث بسيط، كيبان أنه غادي ف اتجاه الدارجة بحروف عربية ماشي العربية الفصحى.

كومنطي

تعليقات

شنو ردة فعلك؟
كيوت كيوت
2
كيوت
هاهاها هاهاها
1
هاهاها
جيم جيم
2
جيم
أو إم دجي أو إم دجي
4
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
9
لايك

دراسة: المغاربة تحولوا للكتابة بالدارجة ف الفيسبوك.

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in