5 أفلام أمريكية موضوعها داير على المغرب

كلنا عارفين أنه كاينة أفلام ميريكانية تم تصويرها ف المغرب، ولكن اللي قليل عارفو هو أنه كاين أفلام اللي موضوعها كلو داير ف المغرب.


Want create site? Find Free WordPress Themes and plugins.

المغرب ملقب بهوليود إفريقيا. أفلام أمريكية بزاف تم تصويرها ف المغرب. أسباب إقبال المخرجين والمنتجين الامريكيين على المغرب كيرجع لعدة أسباب. أهمها الجو المتنوع والاستقرار السياسي. بالاظافة للثروة البشرية المهمة اللي كتهضر عدة لغات ولهجات. وممكن تعفي المنتج من أنه يمشي حتا للعراق مثلا باش يصور فيلم على الحرب. يقدر بسهولة ف ورزازات يخلق عراق صغيرة بجوها ببنيتها التحتية بلهجتها، وبنص التمن.

فيلم أمريكي مصور ف المغرب ما بقاتش حاجة مثيرة للمغاربة، تعودنا عليها عادي. لكن اللي قليل اللي عارفو هو أنه كاينة أفلام اللي موضوعها داير –كلو أو جزء منو– ف المغرب. هذي لائحة بأهم هاد الافلام الأجنبية اللي موضوعها فيه المغرب والمغاربة.

 

فيلم Babel 2006

babel 2006 poster

الفيلم ماشي كلو على المغرب. ولكن جزء من قصتو داير ف المغرب.

القصة اللي متعلقة بالمغرب كتدور ف الاطلس حول 2 مراهقين كيسرحوا ضربوا كار فيه كوبل كاوري بزويجة.

المرا تصابت اصابة خطيرة وتم نقلها لدوار قريب من أجل تلقي العلاج. هنا غادي تبدا المشاكل لهاد زوج مراهقين اللي كيسرحوا الغنم.

الفيلم فيه قصص أخرى من المكسيك وكوريا الجنوبية.

ولكن جزء المغرب من أهل أحداث الفيلم، اللي عرف مشاركة ممثلين مغاربة، أبرزهم إدريس الروخ.

فيلم 1975 The Wind and the Lion

The Wind and the Lion (1975)

فيلم The Wind and the Lion إنتاج 1975، من التحف السينمائية اللي ما معروفاش بزاف للاسف.

الفيلم شهد تألق الممثل Sean Connery ف دور الثائر المغربي الريسولي، اللي حكم منطقة جبالة بداية القرن العشرين.

واللي قام كذلك باختطاف عائلة أمريكية وطلب فدية باش يطلقها.

هاد الامر جعل الرئيس الامريكي ثيودور روزفلت، اللي كان كيستعد للانتخابات لولاية تانية، يستغل الامر ويرسل أسطول بحري للمغرب.

الفيلم كتدور أحداثو حول هاد الحادثة.

فيلم Casablanca 1942

Casablanca (1942)

رغم أن شخصيات الفيلم ماشي مغربية. إلا أن القصة دايرة ف بار ف كازا عام 1941 وقت جاو الماريكان للمغرب.

الفيلم عطا سمعة إيجابية للمغرب. ف وقت اللي كان مازال ما كاين لا انترنت لا والو والميريكان مازال كيظنوا المغرب صحرا.

 

 

فيلم Hideous Kinky 1998

Hideous Kinky is the story of two sisters (seven and five years old) traveling with their hippie mother from London to Morocco. They encounter many adventures, new experiences

الفيلم كيدور حول 2 أخوات من لندن سافروا للمغرب مع مهم الهيبي عام 1972. الفيلم كيحكي مغامرات هاد الاسرة الصغيرة من منظور الطفلتين اللي عمرهم 7 و 5 سنين.

الفيلم عرف بطولة سعيد تغماوي.

 

فيلم  Five Fingers 2006

قصة الفيلم كتدور حول مواطن هولندي جا للمغرب باش يدير مؤسسة خيرية. لكن تم أختطافو من طرف إرهابيين اللي طلبوا فدية مالية.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
1
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
2
واضفّاك؟
ديسلايك ديسلايك
1
ديسلايك
لايك لايك
1
لايك

5 أفلام أمريكية موضوعها داير على المغرب

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in