5 دول تقدر تزورها بلا فيزا وغير بالباسبور المغربي

لائحة ب 5 دول تقدر تزورها من غدا!


جواز سفر مغربي
Want create site? Find Free WordPress Themes and plugins.

أنك تكون مواطن مغربي وباغي تسافر برة الامر صعيب بزاف. الباسبور المغربي من اقل الباسبورات قيمة ف العالم. ما يديكش حتا لموريتانيا (مجازيا).

وهذا عادي طبعا نظرا لقيمة المغرب اقتصاديا وسياسيا اليوم ف عالم ما كيرحمش.

لكن كاين دول محترمة وفيها ما يتشاف ما دايراش الفيزا على المغاربة.

هاد الدول — ورغم أنها قليلة– جمعناها لكم ف لائحة مع تعريف بسيط ليها.

1. تركيا

ما كاينش تقريبا المغربي اللي كتدور ف جيبو 5000 درهم كاش ما كيمشيش بيها لتركيا.

تركيا دولة سياحية باغية تجيب أكبر عدد ديال السياح من العالم، لذلك المغرب من الدول اللي محيدالهم الفيزا. الامر رغم انه ماشي حبا فينا، ولكن من الجنة والناس أسيدي.

تركيا، رغم حموضة مسلسلاتها، إلا أنها دولة غنية تقافيا وفها ما يتشاف. لذلك عطلة فيها كتبقا فكرة ممتازة،

خصوصا أن أسعار الطيران رخيصة بزاف.

2. إيران

وي إيران. رغم أنها ما محيداش الفيزا كليا، كتعطيها لك ف المطار.

إيران ورغم مواقف حكومتها الدينية والسياسية، إلا انها كتبقا من أكثر الدول ف العالم غنا تقافيا وجغرافيا.

مع الاسف ف المغرب كنسمعو ايران كنتفكرو مباشرة الشيعة ودوك النسا لابسين الكحل، لكن إيران فيها بزاف ما يتشاف تقافيا ووفيها بلايص بزاف يستاهلو الزيارة.

بلاد ساحرة بزاف وفيها ما تكتشف. تاريخ ومعمار وتقافة ضاربة ف عمق التاريخ.

3. كوريا الجنوبية

ما عرفتش علاش أصلا كوريا الجنوبية محيدالنا الفيزا، دولة متقدمة وفايتة دول أوروبية بزاف غريبة انها تحيد لنا الفيزا. ولكن فعلا المغاربة يقدروا يمشيو لكوريا الجنوبية لتلت شهور فقط بالباسبور المغربي.

كوريا الجنوبية، عالم جديد بالنسبة لأي مغربي. كتجمع ما بين حضارة وأمن أوروبا و تاريخ وثقافة شرق آسيا اللي مختلفة كليا علينا.

هنا تقدر تلقا 50 بلاصة ممكن تزورها ف كرويا الجنوبية.

4. البرازيل

كنظن البرازيل غنية عن التعريف. الشمش، البحر وبالبنات الزوينات والموسيقى. المكان المناسب لعطلة للاستجمام.

5. هونك كونك

هونك كونك من البلايص اللي تصدمنا ملي عرفنا انها بلا فيزا.

رغم أنها مجرد منطقة صغيرة تابعة للصين. هونك كونك ما دايراش الفيزا للمغاربة واخا هي من أهم المراكز المالية ف العالم ككل.  نظرة بسيطة لتصويرتها ممكن تعطيك بسرعة فكرة على مدى تقدمها وتحضرها. بلاد كلها ناطحات سحاب.

هونك كونك كتمنح المغاربة شهرين ديال السياحة بلا فيزا وفقط بباسبور مغربي.

كاين شي بلاد بلا فيزا للمغاربة نسيناها؟ سبقلك زرتي دولة من هاد الدول الفوق؟ خلي لنا تعليق!

عجبك المقال؟ ساندنا بلايك لفحتنا من هنا
Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
5
كيوت
هاهاها هاهاها
1
هاهاها
جيم جيم
2
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
2
ديسلايك
لايك لايك
3
لايك

5 دول تقدر تزورها بلا فيزا وغير بالباسبور المغربي

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in